सुरुका सात पेनाल्टीमा लगातार गोल भएको थियो । त्यसमा रियल मड्रिडले चार गोल गरेको थियो भने एथ्लेटिको तीन गोल थियो । एथ्लेटिकोका लागि चौंथो पेनाल्टी प्रहार गर्न आएका  वानफ्रान चुके । त्यसपछि रोनाल्डोले निर्णायक पेनाल्टीमा गोल गर्दै रियलको जित सुनिश्चित गरे । स्पेनिस ला लिगामा बार्सिलोना भन्दा एक अंकले पछि पर्दै उपविजेतामा सीमित भएकोरियल मड्रिडले यो सिजन युरोपको प्रतिष्ठित च्याम्पियन्स लिगको उपाधि उचाल्यो । यसअघि सन् २०१४ मा पनि रियलले एथ्लेटिको मड्रिडलाई नै हराएर उपाधि जितेको थियो । एथ्लेटिको मड्रिड भने अहिलेसम्म तीन पटक च्याम्पियन्स लिगको फाइनलमा पुगेर पनि उपाधि जित्न सकेको छैन ।